Serbët shpërthejnë sërish pas pranimit të Kosovës në UEFA dhe FIFA, si dhe liberalizimit të vizave nga Bashkimi Europian.
Mediat serbe kanë botuar lajmin se Kongresi Amerikan i ka hapur rrugë pranimit të Kosovës në NATO.
Agjencia shtetërore e lajmeve Tanjug, boton një analizë të gjatë ku thekson se “Uashingtoni po rrethon Serbinë nga NATO në mënyrë që edhe ky vend të përfshihet nën influencën amerikane”.
Një diplomat i lart serb thekson se “Strategjia amerikane përfshin hyrjen në NATO të të gjithë Ballkanit Perëndimor dhe është një presion që i bëhet Beogradit.
Zoran Milivojeviq, thotë se “Serbia duhet të jetë e zonja që të luajë në ekuilibër dhe të mos dorëzohet ndaj manovrave të Uashingtonit”.
Milivojeviq deklaroi se Uashingtoni po përgatit të fusë Kosovën në programin Partneriteti për Paqe që është paradhoma e hyrjes së vendit në NATO, dhe më pas Serbia me Maqedoninë dhe Bosnje-Herzegovinën do të dorëzohen duke u bërë anëtare të Aleancës së Atlantikut të Veriut”.
Diplomati i njohur serb këshillon Beogradin që të veprojë si Austria dhe Finlanda, të cilat bashkëpunojnë ngushtë me NATO-n, por nuk janë anëtarë të kësaj organizate.
Sipas Milojeviqit, një anëtarësim i Kosovës në NATO paraqet një risk politik dhe kërcënim për sigurinë e Serbisë.
“Hyrja e Kosovës në NATO përbën një precedent pasi Kosova nuk është një shtet anëtar i OKB-së por ndodhet nën protektoratin e Kombeve të Bashkuara”, thekson në analizën e saj editoriale agjencia Tanjug, por që këtë herë nuk e citon diplomatin Milojeviq.
Isidora Stakiq, drejtoreshë e qendrës për Politikat e Sigurisë thekson se “ne pamë skenarin e UEFA-s dhe FIFA-s, por që të hyjë në NATO Kosova duhet të ketë ushtrinë e saj. Dhe dorëzimi i pushtetit nga KFOR tek ushtria e Kosovës do të marrë pak kohë”.
Stakiq beson që NATO do të vazhdojë
Të jetë aktori kryesor ushtarak në rajon dhe ushtria e Kosovës nuk do të përbëjë kërcënim për Serbinë”.
“Armata e Kosovës do të jetë shumë më e vogël se një brigadë e ushtrisë serbe dhe nuk ka asnjë problem nga aspekti ushtarak”, thekson Sakiq.
Duke analizuar alarmin e politikës serbe për të ashtuquajturën “Shqipëri e Madhe”, Sakiq thekson se “edhe ushtria shqiptare, edhe ajo e Kosovës janë të vogla dhe nuk përbëjnë asnjë kërcënim”.
Zyrtari i partisë në pushtet, asaj Progresive të Vuçiqit, Milovan Drecun, që drejton Komisionin për Kosovën në Parlamentin e Serbisë, e shikon në një kënd tjetër kërcënimin në Kosovë.
“Situata e rëndë ekonomike, ajo e krimit të organizuar dhe korrupsionit, i ka vënë banorët shqiptarë ,në veçanti ata serbë në Kosovë, të ekspozuar përballë një kërcënimi të vazhdueshëm për jetën e tyre. Prishtina në mënyrë konstante shtron kërkesa jorealiste, të pajistifikueshme ndaj Beogradit për të ndryshuar axhendën. Ndaj NATO nuk duhet të pranojë në gjirin e saj një shtet që nuk është anëtar i OKB-së”. /tesheshi.com/
