Shërbimet sekrete perëndimore i kanë dërguar sinjal qeverisë së Aleksandër Vuçiqit se qarqe të caktuara po përgatisin një destabilizim të situatës në Bosnjë dhe në të gjithë rajonin.
Siç bën të ditur televizioni B92, kryeministri Vuçiq ka thirrur një konferencë speciale në Beograd pas disa ngjarjeve në Republikën Srbska ku ka pasur mitingje në Banja Luka, të cilat kanë gjeneruar në përplasje popullore me policinë.
Në konferencën e jashtëzakonshme për shtyp, Vuçiq i ka kërkuar të gjithë aktorëve në Republikën Srbska se nuk duhet të ketë alternativë tjetër përveç paqes.
“Kam folur me krerët politik të serbëve të Bosnjës dhe i kam kërkuar të ndërhyjnë, ndërkohë që shërbimet sekrete duhet të marrin mësim nga ngjarjet e Banja Lukës dhe të parashikojnë ngjarjen.
Gjendja është agravuar kohët e fundit në Bosnjë, ndërkohë që muajin e kaluar Sarajeva u vizitua nga Drejtori i CIA-s, John Brenon.
Më 22 prill, kreu i CIA-s ka ngritur në kryqytetin boshnjak qendrën rajonale për të parandaluar destabilizimin e rajonit.
Në Banja Luka, qarqe filoruse kanë acaruar situatën duke u përplasur me partinë e presidentit aktual Dodik, që kontrollohet nga Beogradi.
Aleanca për Ndryshim është një forcë opozitare që ka galvanizuar protestat e dhunshme.
Vuçiq ka bërë thirrje që do të dërgojë forca edhe nga Sërbia ku në bashkëpunim me qeverinë e Republikës Srbska të parandalojë agravimin e situatës.
Analistë të ndryshëm theksojnë se trazirat nuk janë të rastësishme dhe lidhen me manovrat gjeopolitike në rajon.
NATO ka ngritur gatishmërinë dhe këto ditë pritet të zhvillojë një stërvitje gigande ushtarake në Poloni për të treguar muskujt. /tesheshi.com/
