Ballkani rrezikohet nga “Ethet e Nilit”. Televizioni serb B92 thekson se në këtë vend janë identifikuar 12 raste të sëmundjes së rrezikshme.
Instituti i Shëndetit Publik në Beograd, bëri të ditur se vetëm në kryeqytetin serb janë individuar 8 raste të “Etheve të Nilit”, apo siç quhet ndryshe Epidemia e Nilit.
Tre raste janë zbuluar në rajonin e Banatit të jugut dhe një në rajonin e Banskës në veri të Serbisë.
Instituti i Shëndetit Publik i Serbisë, thekson në deklaratën e tij se kemi të bëjmë me raste alarmante, pasi Greqia ka zbuluar 37 raste, Italia 3, Rumania 6, dy Hungaria dhe katër Izraeli.
Ethet e Nilit janë një epidemi që vjen nga mushkonjat por më pas përhapet shumë lehtë.
Inubacioni i kësaj sëmundje zgjat 15 ditë dhe ka të njëjtat simptoma si gripi por më të rënda sidomos te fëmijët dhe moshuarit.
Problemi më i madh i kësaj sëmundje është temperature e lartë, e cila krijon shumë probleme te të vegjlit dhe të sëmurët kronikë.
Instituti i Shëndetit Publik në Serbi bën thirrje që të gjithë organizmat homologe në Ballkan të bashkohen në një aksion të përbashkët për të ndaluar një përhapje më të madhe.
Nga Serbia, një numër i madh qytetarësh lëvizin drejt Kosovës dhe anasjelltas, por edhe në vende të tjera si Bosnja, Serbia, Maqedonia etj. /tesheshi.com/
