Një alarm serioz i shërbimeve sekrete ka mbërritur në Tiranë prej disa javësh, në lidhje me një sinjal për atentat të nivelit të lartë në vend.
Kjo ka bërë që të rritet maksimalisht siguria e kupolës shtetërore vend që nga Presidenti, kreu i Kuvendit, Kryeministri por edhe Kryeprokurori i Republikës.
Alarmi i shërbimeve partnere është i tillë që nuk flet thjesht për një plan i ngjashëm me atë në Mal të Zi në 2016-n, por për metoda që ngjajnë me atë që ndodhi në Britaninë e Madhe pak kohë më parë me ish-agjentin Sergej Skripal.
Siç mësohet, kanë ardhur sinjale për helmim me anë të substanciave toksikisht vdekjeprurëse.
Krerëve të shtetit, e në veçanti Kryeministrit Edi Rama, protokolli i shtuar i sigurisë i ka ndaluar konsumimin e ushqimeve, pijeve apo edhe kafeve në ambienteve të pakontrolluara e të “pa përpunuara” nga shërbimet e sigurisë.
Në fakt, këtë sinjal e bëri të ditur vetë Edi Rama gjatë një interviste një javë më parë në emisionin e Sokol Ballës, Real Story.
Kryeministri pranoi se ka sinjale për akte të rënda, por pa përmendur se kush janë kërcënuesit dhe aludimet kanë qenë të gjera.
Edhe pas pyetjes së Ballës se mos janë rusët apo Irani, Rama nuk është përgjigjur direkt por ka lënë të nënkuptojë.
Ja pasazhi i intervistës:
Rama: Për MEK kemi bërë gjënë e duhur, sa i përket kërcënimeve dhe sigurisë, jemi të kërcënuar as më shumë e as më pak si cdo vend që është i vendosur në anën e duhur të historisë.
Balla: A ka pasur shmangie te ketyre veprave terroriste në javët e shkuara?
Rama: Të gjitha vendet që janë pjesë e vendeve te klubit euroatlantik, janë të kërcënuar dhe besoj se ka pasur edhe reagime të suksesshme parandaluaese…
Balla: Edhe në Shqipëri?
Rama: Në të gjtha vendet, ne te gjitha vendet…
Megjithatë masat e sigurisë në Tiranë, sidomos pas ndryshimit të diplomatëve iranianë në Tiranë janë ritur së tepërmi jo vetëm nga autoritetet shqiptare, por edhe nga vendet e NATO-s dhe ato të Bashkimit Europian.
Teherani ka zëvendësuar totalisht personelin diplomatik të ambasadës me zyrtarë të shërbimit sekret, për t’ju përkushtuar ndjekjes dhe sabotazhit të punës së opozitës iraniane që ndodhet në Shqipëri prej 5 vitesh.
Kjo zhvendosje besohet se ka lëvizur rrjedhimisht burime të aleancave gjeopolitike që Teherani ka në rajon dhe më gjerë.
Po kush është aleati më i fortë i Iranit? Moska…/tesheshi.com/
