Në Alpe, sipërfaqja me akull është reduktuar në 40% në më pak se 50 vite, duke kaluar nga 519 km katrorë në vitin 1962, në 368 kilometra katrorë aktualisht. Këto të dhëna vijnë nga raporti i “Shkrirjes së akujve” të WWF Italia.
“Problemi nuk është kaq i frikshëm dhe i tmerrshëm sa duket. Prej akujve të planetit varen burimet hidrike, ngrohja/ftohja e klimës, ekuilibri i oqeaneve si dhe çlirimi i avujve nga toka”,- bën me dije organizata.
Sipas WWF, fenomeni i reduktimit të akujve në Antraktidë dhe në Artik, ku rritja e temperaturave është dyfishuar në krahasim me zonat e tjera të globit. Përveç se në pole, edhe akujt alpinë (Alpet e Europës, Himalaja, Patagonia, Alaska dhe në Malet Urale e në Kilimanxharo), të cilat janë serbator uji gjatë muajve të nxehtë dhe që janë shumë të rëndësishëm në sektorin agro kulturor, parashikohet një reduktim në masën 75%.
Shoqëria ambientaliste nënvizon se nga akulli i planetit varet siguria njerëzore: “Ngritja e nivelit të detit kërcënon 360 milionë banorë në metropolet pranë gjireve. 70 % të gjireve botërore rrezikojnë të zhyten nën ujë”,- sqaron WWF. Akulli është vital për mbijetesën e një numri të madh të specieve dhe kafshëve nga balenat e deri tek arinjtë polarë, 2/3 e së cilëve, pa akull mund të zhduken brenda vitit 2050./tesheshi.com/
