Rregullatori Evropian për Mbrojtjen e të Dhënave (EDPS) bëri thirrje të martën të ndalojë mjetin e diskutueshëm të spiunazhit Pegasus, i zhvilluar nga grupi izraelit NSO.
EDPS deklaroi se përdorimi i Pegasus mund të çojë në “një nivel të paprecedentë të ndërhyrjes, i cili mund të ndërhyjë në aspektet më intime të jetës sonë të përditshme”.
Izraeli është vënë nën presion global lidhur me akuzat se disa qeveri të huaja kanë abuzuar me Pegasus për të spiunuar aktivistët e të drejtave të njeriut, gazetarët dhe politikanët.
Grupi izraelit NSO tha se nuk mund të konfirmonte ose mohonte blerësit ekzistues ose potencial të Pegasus. Grupi ka deklaruar se nuk e menaxhon sistemin pasi u është shitur përdoruesve të shtetit dhe as nuk është e përfshirë në punën e sistemit në asnjë mënyrë.
Telefonat celularë të hakuar të politikanëve, gazetarëve, aktivistëve
“Ndalimi i zhvillimit dhe përdorimit të programeve spyware të aktivizuar nga Pegasus në Bashkimin Evropian do të ishte alternativa më efektive për mbrojtjen e të drejtave dhe lirive tona themelore,” tha EDPS.
“Në qendër të debatit për mjetet si Pegasus duhet të jetë jo vetëm përdorimi i teknologjisë, por edhe rëndësia që i kushtojmë të drejtës së privatësisë”.
Një investigim i publikuar vitin e kaluar nga një konsorcium prej 17 mediash ndërkombëtare, të udhëhequr nga rrjeti Bidden Stories me bazë në Paris, zbuloi se spyware Pegasus hakoi telefonat celularë të gazetarëve, politikanëve dhe aktivistëve të të drejtave të njeriut në mbarë botën. /tesheshi.com/
