Rrjetet sociale janë bërë një vatër e ekstremizmit, e përdorur për të minuar demokracinë – konkludoi një grup ekspertësh i në Davos, duke bërë thirrje për reforma që do të rivendosin besimin në qeveri dhe eliminojnë përmbajtjen ekstremiste.
Komisioni për Zgjedhjet dhe Demokracinë në Epokën Dixhitale, në një raport të paraqitur në Forumin Ekonomik Botëror, arriti në përfundimin se dezinformatat po përdoren si armë për të diskredituar institucionet demokratike që mbjellin mosbesim shoqëror dhe sulmojnë kandidatët politikë.
Media sociale ka provuar të jetë një mjet i dobishëm për grupet ekstremiste për të dërguar mesazhe urrejtjeje dhe nxitje të dhunës, paralajmëroi grupi, duke përmendur zgjedhjet në SHBA, Filipine dhe Nigeri.
Përballë kritikës se po humbet betejën me ekstremizmin, Facebook vitin e kaluar njoftoi një seri masash kundër dezinformimit të votuesve përpara zgjedhjeve presidenciale të SHBA në nëntor.
Kjo platformë e shkëmbimit të informacionit, njoftoi gjithashtu se ka hequr llogaritë ruse që synojnë votuesit e SHBA-së në Instagram.
Rusia është akuzuar prej kohësh për ndërhyrje në zgjedhjet presidenciale të SHBA më 2016-ën, kjo pasi u zbulua se Cambridge Analytics kishte mbledhur të dhëna nga rreth 87 milion njerëz, kryesisht nga SHBA, për t’i përdorur ato në fushatat politike.
“Autoritetet e huaja kanë përdorur rrjetet sociale dhe internetin vitet e fundit për të ndërhyrë në zgjedhjet në të gjithë botën”, përfundoi Komisioni për Zgjedhjet dhe Demokracinë në Epokën Dixhitale. /tesheshi.com/
