Kryeqyteti i Kinës ka lëshuar për herë të parë alarmin e kuq për shkak të ndotjes së jashtëzakonshme, çka ka sjellë mbylljen e shkollave, të shumë ndërmarrjeve prodhuese, e kufizime që i detyrojnë makinat të mos dalin në rrugë.
Alarmi do të jetë deri të enjten, kur edhe pritet që një valë të ftohti ta përmirësojë situatën.
Ndër masat e marra janë ndalimi i gjysmës së makinave private që të dalin në rrugë, e po ashtu thuajse një e treta e mjeteve lëvizëze të administratës do të detyrohen të mos sillen nëpër qytet. Në vendet ku ndërtohet e prodhohet e ku ndotja është e lartë do të ndërpritet puna.
Njerëzit janë këshilluar t’i kufizojnë aktivitetet jashtë, e duhet marrin masa mbrojtëse nëse do u duhet të dalin me patjetër.
Alarmi i kuq erdhi vetëm një javë pasi një mjegull e dendur gri me grimca të dëmshme e mbështolli Pekinin.
Niveli i ndotjes mbrëmjen e së hënës ishte 187 sipas autoriteteve lokale, por dukshmëria ishte më e mirë se javën e sapolënë pas.
Ndotja është një prej problemeve më të mëdha me të cilat përballet posaçërisht kryeqyteti kinez. Pavarësisht zotimeve të autoriteteve për përpjekje për përmirësimin e situatës, Pekini vazhdon të jetë një prej metropoleve më të ndotur. /tesheshi.com/
