Ligjvënësit në shtetin amerikan të Alabamës kanë miratuar ligjin që e ndalon abortin, duke u bërë shteti më strikt lidhur me kryerjen e kësaj procedure.
Senati i shtetit miratoi ligjin me 25 vota për dhe 6 kundër, dhe aborti nuk kriminalizohet vetëm në rastet e përdhunimit dhe incestit. Gjithashtu ai lejohet në rastet kur cenohet shëndeti i nënës.
Mjekët mund të përballen me 10 vjet burg për përpjekjen për të ndërprerë shtatzëninë dhe 99 vjet për kryerjen e tërë procedurës.
Ligji tani do të kaloj në duart e Guvernatores Kay Ivey, e cila nuk ka dhënë qëndrimin e saj të drejtpërdrejtë, por historikisht konsiderohet si kundërshtare e madhe e abortit.
Ky vendim rrëzon atë të vitit 1973, ku Gjykata Supreme legalizoi abortin në gjithë SHBA-të.
Ligji nuk kaloi pa kritikat e aktivistëve, të cilët e quajtën ndalesën si “jokushtetuese” dhe thanë se kjo ishte “një përpjekje e qartë për të nxitur mbështetjen politike për kandidatët anti-abort të zgjedhjeve të ardhshme. /tesheshi.com/
