Rrjeti mediatik Al Jazeera ka pezulluar dy gazetarë për një video që “minimizon dhe paraqet keqkuptime” rreth Holokaustit.
Rrjeti me qendër në Katar njoftoi veprimin disiplinor në një deklaratë të lëshuar të dielën.
Videoja, e publikuar në platformën online AJ +, “binte ndesh me standardet e saj editoriale”, tha rrjeti mediatik.
Përmbajtja u fshi shpejt nga faqet e internetit të AJ + dhe llogaritë e mediave sociale.
Raporti pohonte se lëvizja sioniste kishte keqinterpretuar shtrirjen e Holokaustit dhe “kishte miratuar narrativën se nazistët vranë gjashtë milionë hebrenj”.
Yaser Bishr, drejtor ekzekutiv i divizionit dixhital të Al Jazeera-s, tha se rrjeti “tërësisht anulon përmbajtjen fyese në fjalë” dhe nuk do të toleronte material të tillë në asnjë prej platformave të rrjetit.
Në një e-mail për stafin, ai gjithashtu njoftoi një program të trajnimit të detyrueshëm lidhur me ndjeshmërinë e raportimeve. /tesheshi.com/
