Ka marrë zhvillim të vrullshëm gjykimi i çështjes së CEZ-DIA-s në ngarkim të Kastriot Ismailajt, i cili është një nga akuzuesit e Ilir Metës, brenda hetimit për borxhet e kompanisë shtetërore të energjisë, kur kreu i LSI ishte Ministër i Energjisë.
Trupi gjykues i Kastriot Ismailajt ka dhënë dorëheqjen në mënyrë të papritur.
Kërkesa e ish-administratorit të DIA-s për ndryshimin e trupit gjykues e kishte shtyrë disa herë seancën.
Në datën 9 dhjetor gjykata mori si provë një tjetër dëshmi mjaft të rëndësishme kundër Kastriot Ismailajt. Gjykata administroi si provë dëshminë e ish-drejtorit ekzekutiv të DIA-s, Elvis Matas, dëshmi e cila u lexua nga prokuroria pasi dëshmitari nuk gjendet që të paraqitej vetë.
Mashtrimet e të pandehurit Ismailaj në lidhjen e kontratës me CEZ-in duke u prezantuar në partneritet me një firmë amerikane e deri te abuzimet me lekët e mbledhura për faturat e papaguara të energjisë, sqarohen në dëshminë e Matas, që tashmë është administruar nga gjykata.
Gjatë leximit të dëshmisë, i pandehuri Kastriot Ismailaj u largua nga salla e gjyqit duke e braktisur procesin. /tesheshi.com/
