Lindita Nikolla dhe Ben Blushi nga dy kolegë të së njëtës parti do të përballen në gjyq. Ish-ministrja e Arsimit, Nikolla e ka paditur ish-deputetin socialist, sot kryetar i LIBRA-s për shpifje pas akuzave që ky i fundit i ka bërë në sallën e Kuvendit për shitje të certifikatave shkollore me anë të badigardit të saj.
Padinë ndaj Blushit e ka bërë të ditur Nikolla sot me anë të një statusi në facebook ku shprehet se “u bë e disata herë që njeriu më parazit që kam njohur në jetën politike, më sulmon paturpësisht me gojën e tij të shthurur nga ligësia e mediokriteti. Tre herë u bë ministër dhe tre herë u largua nga detyra pasi bëri thagma korruptive”
Ajo e quan atë një personazh të pangopur, i cili pasi nuk iu realizuan nderet që kërkonte për vende pune apo zyra në Elbasan, filloi mllefin kundër Edi Ramës dhe ministrave të tij. Nikolla shprehet e vendosur për t’i shkuar deri në fund me rrugë gjyqësore, derisa e vërteta të dalë në pah.
Ndër të tjera, ajo e akuzon Ben Blushin si ministrin e Arsimit që përfitoi nga tenderat duke shkurtuar bangat e shkollës e që si pasojë nuk mund të jetë kurrsesi një destinacion i votuesve që nuk e njohin.
Blushi e quante injorante dhe të korruptuar Nikollën. “Ka pasur qindra ministra një prej tyre je ti zonjë, askush nuk do mbahet mend ndoshta, por ti do mbahesh si personi që kërkoje 3 mijë euro për një vend pune, u arrestua bodigardi yt, të të vijë turp ty që e mban ministre këtë, ti mund të jesh ministre arsimi, e ke shkatërruar arsimin, jo se nuk kupton, jo se ky që të ka vënë ty nuk kupton se e injorante, ndan lekë me bodigardin, herë tjetër kur të cohesh këtu, mati fjalët zonjë, se do merrem veten me ty se injoranca jote është e padurueshme”- është shprehur ai në një nga debatet në Kuvend. /tesheshi.com/
