Kryeministri Rama ka hedhur në tregun politik thënien “më mirë djepi bosh se shejtani brenda”, në mbrojtje të akuzave ndaj tij për shkartisje të organeve të drejtësisë si pasojë e vettingut, ardhur nga opozita.
“Po mbetemi pa gjykata të sipërme? Jo! Po operojmë organizma të kancerizuar që e degraduan deri në kockë drejtësinë. Më mirë djepi bosh se shejtani brenda! Ky pastrim është shpëtim për dekada e breza që vijnë, rilindja e këtyre gjykatave është vetëm çështje e më pak se një viti”, ka deklaruar shefi i qeverise në një status të fundit në FB.
Në fakt, vettingu ka futur kolaps instancat më të larta të drejtësisë, gjë që nga opozita përkthehet si dështim i vetë reformës në drejtësi. /tesheshi.com/
