Kreu i Kuvendit, Gramoz Ruçi, nuk ka pranuar akuzat e opozitës që e sheh parlamentin si fole kriminelësh, kuptohet nga kahja e mazhorancës.
“Kuvendi nuk mund të konsiderohet “fole” kriminelësh. Kuvendi në çdo vend është sovrani që e ka prurë aty sipas Kushtetutës dhe ligjeve. Kush ka vlerësime të veçantë për individë të veçantë ka organe përkatëse dhe legjislacion që bën vlerësimin apo ndëshkimin e tyre”, tha Ruçi, gjatë një bashkëbisedimi me gzetarët.
Ndër të tjera ai ka komentuar dhe paralajmërimet e opozitës për djegie mandatesh, apo marëdhënien e kushtëzuar, duke mos e përkrahur si medotë politike.
Nuk e këshilloj, por më rezulton si termi ‘kushtëzim’ ‘bojkot’, apo dhe ‘djegie mandatesh’ kanë qenë të diskutuara dhe nga opozita ime e dikurshme. Më rezulton se efektiviteti i një opozite është lufta dhe përpjekja brenda sistemit, jo jashtë”, tha Ruçi. /tesheshi.com/
