Pse asnjë efektiv policor, përgjithësisht kuadër i lartë policie, nuk reagon edhe ligjërisht kur vihet në akuzë nga opozita?!
Top Channel i ka kushtuar një trajtim më të thellë kësaj çeshtjeje, duke shkruar se një ditë pasi Sindikata e Policisë i bëri thirrje efektivëve të uniformave blu të akuzuar për lidhje me krimin, që të ndërmarrin nisma ligjore për pastërtinë e figurës së tyre, ajo ka marrë kontakt me disa prej oficerëve dhe zyrtarëve të lartë të përmendur nga opozita.
Dhe sipas Top Channel, disa prej tyre shprehen “pro” ndërmarrjes së padive për shpifje qoftë individuale ose kolektive, por thonë se një veprim i tillë duhet të konsultohet dhe vendoset në bashkëpunim edhe me instancat më të larta në Drejtorinë e Përgjithshme të Policisë së Shtetit dhe Ministrinë e Brendshme.
Ndërkohë që paska edhe nga ata zyrtarë të lartë të Policisë dhe shefa komisariatesh që thonë se nuk mendojnë të bëjnë padi, pasi nuk duan të përshihen në debatin politik të ditës.
Opozita i ka shpeshtuar akuzat e saj ndaj krerëve të policisë të lidhur me trafik droge, duke i përmendur emer për emër, por nga këta të fundit, çuditërisht nuk ka asnjë raegim, qoftë dhe verbal, ndërkohë që duhet dhe të jetë dhe ligjor, nëse ata vërtet e ndjejnë viten të pafajshëm. /tesheshi.com/
