Për kryeministrin Rama, ajo çfarë thotë e akuzon Meta për ç’ndodhi në Kakavijë këto ditë, është një avaz i vjetër me një sebep të radhës.
“Fajësimi i qeverisë për situatën në Kakavijë,thjesht një sebep i radhës për avazin e vjetër të një Presidenti që abuzon me institucionin e lartë, për qëllimet e ulëta të Lëvizjes së tij të Çintegruar politike! Ndërsa argumentet për fajësimin pastaj pfff..parodi tipike alla Baba Xhike”, shkroi Rama, si reagim ndaj një konference të Metë, organizuar vetëm për “Kakavijën”.
Për kreun e shtetit, Greqia ishte “ok”, fajin e kishte qeveria shqiptare.
“Çdo përpjekje për të fajësuar greken është pa kuptim. Pala greke e bën detyrën e vet dhe për një shtetas shqiptar me pasaportë greke. Është përgjegjësi e plotë e shtetit shqiptar, përfshirë presidentin e kryeministrin. Kryeministria ka përgjegjësi të shumëfishtë”, tha Meta. /tesheshi.com/
