Deputetja e Partisë Demokratike, Jozefina Topalli, në një konferencë për shtyp i ka bërë thirrje kryedemokratit Lulzim Basha, që të ndërpresë pengmarrjen e partisë dhe e ka akuzuar atë se po përpiqet të manipulojë zgjedhjet brenda kësaj force politike.
“Rezultati fatal dhe mungesa e 200 mijë votave bënë që situata të përshkallëzohej dhe më rëndë. Basha ka filluar nisjen e një procesi antistatutor për t’i imponuar PD-së një garë të rreme për kreun e Partisë Demokratike, duke e bërë të nxituar, joserioze, po kërkon të mbaje peng partinë dhe të grabisë një mandat të ri drejtues, po tenton t’i shmanget përgjegjësisë për humbjen katastrofale të PD-së në këto zgjedhje, po kërkon të shndërrrohet nga humbës në fitimtar.
Qindra mijëra vota që Basha ia hoqi PD-së nuk i asgjëson dot me një proces të manipuluar zgjedhor brenda PD-së. Demokratët s’ja falin kurrë edhe sikur të manipulojë garën. Basha është katastrofa e PD-së, falë strategjisë së gabuar, “fake oposition”, teknikave që rrëzoi në gjunjë PD-në dhe i dha ndihmën më të madhe zotit Rama, bashkëudhëtarit dhe mikut të orëve të vona të kësaj vere”, tha Topalli./tesheshi.com/
