Partia Demokratike ka akuzuar qeverinë se u ka dhënë pasurinë publikë për 1 euro disa biznesmenëve, që sipas saj janë klientë të qeverisë.
Dhurata Çupi, pjesëtare e udhëheqësisë së re të PD-së, publikoi disa VKM ku u jepeshin disa ish-ndërmarrje shtetërore tre kompanive.
Çupi tha:
“Rama i ka dhënë Kaselit, ish-Ndërmarrjen e Gomave, ish-NPV-në dhe ish-Fabrikën e Tubave.
52 mijë metra katrorë në mes të Elbasanit, ish-Rezervat e shtetit, i shkojnë Lucës së Rozafës.
Më i favorizuari mbetet komisari i Jugut, Kokëdhima, i cili u ka vënë syrin pronave më të mira të bregut. E ka nisur me një pronë të Ministrisë së Mbrojtjes në Lukovë, ku një prej objekteve në vendin më të favorshëm turistik me 2135 metra katrorë i jepet Koços”.
Kujtojmë se gjatë kohës kur PS ishte në oopzitë e PD në pushtet, e para akuzonte të dytën, po me dokumente, për shitjen e pronave të ushtrisë tek klientelët me çmime qesharake. /tesheshi.com/
