Shtëpia e Bardhë nuk e ka plotësuar objektivin. Vetëm 2500 nga dhjetë mijë refugjatët që administrata Obama kushte premtuar të priste në shtator, kanë mbërritur dhe sistemuar efektivisht në territorin amerikan. Akuza vjen nga e përditshmja dinjitoze amerikane, “New York Times” që pasqyron në faqen e saj të parë këtë dështim, vetëm paj dutë pasi Europa me anë të presidentit të Këshillit Europian, Donald Tusk apeloi të mëdhenjtë e botës të solidarizohen për përballimin e krizës së refugjatëve.
Akuzat që vijnë nga gazeta janë të argumentuara. Procedura sigurie shumë të ngurta, pengesa edhe nga demokratët që këto procedura të thjeshtësohen: të paktën këto janë pengesat që Uashingtoni nxjerr si arsye për mospranimin e më shumë refugjatëve. Por si rezultat, vetëm 1 refugjat në katër të tillë ka gjetur mikpritje në truallin amerikan. Këto shifra vijnë në kundërshti me fjalët e presidentit amerikan që foli me shumë emocion. “Emigrantët dhe refugjatët janë limfa vitale për Shtetet e Bashkuara”, kanë qenë fjalët e përsëritura në më shumë se një rast nga presidenti Obama.
Por, kritikët e tij sulmojnë: jo vetëm që objektivi i shpallur nuk është arritur, thonë organizmat humanitarë, por tashmë “si mund t’u japim leksione mikpritjeje të tjerëve, në botë, kur ne vetë përshtasim një strategji për të shkurajuar emigrantët të vijnë në Shtetet e Bashkuara”, komenton Kevin Appleby nga Qendra për studimet migratore, në një artikull në New York Times.
Pasi Bashkimi Europian ka kërkuar bashkëpunimin e Shteteve të Bashkuara në samitin e G7 në Japoni, tema e refugjatëve bëhet akoma më urgjente dhe këtë kujtesë për Obamën e bëjnë vetë demokratët. Një grup prej 27 demokratësh, të kryesuar nga senatori
Richard Durbin, ka shprehur shqetësimin përmes një letre drejtuar presidentit. “Jemi thellësisht të shqetësuar sa i takon procedimit të ngadaltë të pranimit të refugjatëve sirianë në më shumë se shtatë muajt e fundit”, shkruajnë ata.
Në sfond të këtij shqetësimi janë du kontradikta të mëdha. Së pari, siç kujton në artikull “Nyt” ka të bëjë me besueshmërinë në planin ndërkombëtar: në samitin e OKB-së për refugjatët, parashikuar të mbahet në shtator, Obama do të paraqesë apelin për ndihmë ndaj refugjatëve ndërsa ka vetë një premtim të pambajtur, e kështu edhe fjalimi i tij do të ketë shumë më pak ndikim. Së dyti, ka një “efekt kolateral” tërësisht të brendshëm: në prag të zgjedhjeve, “do të ishte e nevojshme refuzimi i ndjesive kundër emigrantëve”, të paktën kështu ka deklaruar edhe vetë presidenti në detyrë duke aluduar për pozicionin e kandidatit republikan, Donald Trump.
Kështu, po t’iu referohemi numrave të mikpritjes, Shtëpia e Bardhë është përfundimisht e vonuar.
Përgatiti: Juli Prifti – /tesheshi.com/
