Një raportim i kreut të SPAK-ut në Këshillin e Lartë të Prokurorisë, pra Altin Dumanit, ka patur shumë pak përgjigje ndaj kritikave të kryeminstrit Rama, shpërthyer pas arrestimit të Erion Veliajt. Qoftë dhe jo drejtpërdrejt, Dumani kaq vijuar të përdorë gjuhë të drunjtë e të ftohtë, ku vetëm në një rast është treguar konkret si reagim ndaj një kritike.
Do ishte ajo kur Rama thoshte:
“Si ka mundësi Ulsi dhe ju njerëzit e drejtësisë, që kjo shumicë e qeverisë ka miratuar fonde, dy fonde janë në buxhet që janë komplet jashtë trajektores normal, fondi i mbrojtjes dhe i drejtësisë. Paga që nuk krahasohen me pagat e askujt këtu, fonde që nuk janë parë kurrë në historinë e këtij shteti dhe këta nuk kanë akoma mjetet për të regjistruar intervistat me personat që marrin në pyetje, dhe në fund i japin një copë letër. I mbajnë me orë të tëra dhe i japin një copë letër. Se e kam provuar dhe unë një herë: Unë flisja dhe njëri shtypte tastierën. Ku jemi këtu ne?
Kur futesh atje je në republikë tjetër? Vetëm se është prokuror është mbi ty? Je një mish që mund të shqyhesh sipas oreksit të njërit e tjetrit?”.
Dhe përgjigja e Dumanit qe kjo:
“Në godinën e re janë planifikuar dhoma të veçanta për marrjen në pyetje të dëshmitarëve dhe të pandehurve, të pajisura me audio dhe video, elementë thelbësorë për garantimin e një procesi hetimor të standardizuar dhe transparent”.
Ndërkohë, teksa sekreti hetimor bën xhiron e mediave, Dumani është treguar po as i ftohtë dhe ndaj këtij fakti.
“Jemi përpjekur për komunikimin me mediat, raportet me të, i ndarë nga publikimi i sekretit hetimor. Cilësia është përmirësuar në lidhje me komunikimin e mediave dhe publikun”. /tesheshi.com/
