Para se të blini një produkt ushqimor në dyqanet vendase, sigurohuni nëse plotëson të gjitha kushtet e ruajtjes dhe sigurisë. Nuk do të ishte çudi nëse do të ndodhte e kundërta, pasi në një aksion të Autoritetit Kombëtar të Ushqimit në 522 biznese rezultoi se 155 prej tyre ishin të parregullt. Inspektorët kryen kontrolle në dyqanet e mishit, në Fast-Food-e, tek zgarat e qofteve, të subjektet që tregtojnë pije jo alkoolike etj., gjatë javës së parë të nëntorit, në të gjitha qarqet e vendit.
AKU njoftoi se aty ku është ndeshur parregullsi janë marrë masa parlajmërim për bllokim dhe gjobë për subjektet, që nuk plotësonin kushtet për sigurinë ushqimore.
Gjithashtu, pjesë e kontrollove ishin edhe produktet që vijnë nga jashtë, të cilat nuk kanë etiketën në gjuhën shqipe. Për këtë arsyje në qarkun e Tiranës janë vendosur gjoba ndaj disa produkteve si birrë, oriz etj, të cilat nuk kanë etiketën e notifikuar shqip. Autoriteti Kombëtar i Ushqimit u bën apel qytetarëve që të denoncojnë çdo rast të abuzimit me ushqimet./tesheshi.com
