Aktorja franceze, Juliette Binoche u ka bërë thirrje evropianëve që të tejkalojnë frikën e tyre nga emigrantët; dhe gjithashtu ka bërë thirrje dhe për respektimin e lirisë së grave muslimane për të qenë të mbuluara.

Binoche, e cila ka arritur kulmin e famës së saj me filmat si Chocolat dhe The English Patient, për të cilin ka fituar shpërblimin e Akademisë Oscar, ka promovuar të drejtat e grave dhe ka folur shpesh në favor të lirisë së shprehjes.

Duke folur në një festival të filmit hungarez, Binoche tha për Reuters se feminizmi thërret për dhembshuri gjatë krizave të emigracionit, duke shtuar se frika vetëm se mbjell fara të më shumë konflikteve.

“Gratë duhet të jenë të lira të vishen si të duan, qoftë dhe me mbulesë”, ka thënë ajo.

“Mbaj mend kur shkova në Bosnjë, kam patur një takim me një regjisore boshnjake…ajo kishte vendosur një mbulesë dhe kur unë e pyeta ‘Si është puna e velos suaj?’, ajo mu përgjigj se bashkëshorti i saj nuk dëshironte që ajo ta mban atë atë, madje as fëmijët e saj. Por ja që ajo e kishte lirinë për ta mbajtur nisur nga motivi se përse”, tha Binoche.

Binoche, nëna e së cilës ka lindur në Poloni, tha gjithashtu se evropianët duhet “të ndalen së pasuri frikë nga këto gjëra, dhe të mirëpresin njerëzit të cilët janë në nevojë…është obligim yni të tregojmë dhembshuri, t’u tregojmë atyre se ja ku jemi për t’ju ndihmuar”. /tesheshi.com/