Një juri e madhe në Neë Mexico ka paditur Alec Baldëin për vrasje nga pakujdesia, më shumë se dy vjet pas tragjedisë në xhirimet e filmit “Rust”, raporton BBC.
Aktori qëlloi kameramanen Halyna Hutchins në tetor të vitit 2021 dhe që në fillim ai mohoi se ka tërhequr këmbëzën e armës që e qëlloi.
Akuzat e mëparshme u hodhën poshtë vitin e kaluar në një gjykatë të New Mexico-s, por prokurorët specialë e paraqitën rastin para një jurie të madhe në Santa Fe këtë javë, disa muaj pasi morën një analizë të re të armës së përdorur.
Baldwin tani akuzohet për vrasje nga pakujdesia bazuar në përdorimin e pamatur të një arme zjarri dhe
mospërfillje të sigurisë së të tjerëve. “Megjithëse Alec Baldwin mohon në mënyrë të përsëritur që ai tërhoqi këmbëzën, duke pasur parasysh testet, gjetjet dhe vëzhgimet e raportuara këtu, këmbëza duhet të jetë tërhequr ose shtypur mjaftueshëm për goditur me revolverin e provave,” thuhet në raportin e armëve.
Nëse aktori shpallet fajtor, ai mund të kalojë 18 muaj në burg. Kujtojmë se asistenti i parë i regjisorit të filmit, Dave Halls, 63 vjeç, u dënua në mars 2023 me gjashtë muaj burgim me kusht, dënimi i parë për këtë rast.
Ai u gjobit për përdorim të pakujdesshëm të një arme zjarri, sepse Halls duhet ta kishte kontrolluar armën për një plumb të rremë përpara se t’ia jepte Alec-ut, tha Story.
“Një krim i tmerrshëm. Gjëra të tilla nuk duhet të ndodhin në xhirimet e filmave”, u pajtuan të pranishmit kur ndodhi tragjedia dy vjet më parë. /tesheshi.com/
