Një vullkan është aktivizuar në ishullin Bali të Indonezisë duke u shoqëruar me një seri shpërthimesh, me pasojë mbulimin e disa fshatrave nga hiri i tij.
Vullkani në malin Agung shpërtheu të shtunën në mbrëmje dhe tri herë këtë mëngjes duke hedhur hirin deri në 4,000 metra lartësi, siç raportojnë mediat.
Sipas AP, retë gri e të errëta lëvizin drejt ishullit fqinj të Lombokut në drejtim të kundërt nga aeroporti i Balit, ku pas anullimit të përkohshëm të fluturimeve, ato rinisën sot.
Në fshatrat e afërta, një shtresë hiri është e trashë dhe deri në një centimetër, policia dhe ushtarët në zonë mbajnë maska mbrojtëse.
Më shumë se 25,000 njerëz nuk mund të kthehen në shtëpitë e tyre që nga shtatori, kur Agung dha shenjat e para të aktivitetit pas më shumë se gjysmë dekade pushimi. /tesheshi.com/
