Besoj se të gjithë e pyesin veten se a është më mirë nëse bëhet aktivitet fizik në mëngjes apo në mbrëmje. Kjo varet nga mundësitë që ka gjithsekush; nga jeta që bën, nga të ushqyerit dhe gjendja emocionale. Të dyja oraret kanë anët e tyre pozitive:
Sportinë mëngjes:
Të ndihmon në vazhdueshmërinë. Nëse keni mungesë vullneti dhe e dini që po ta shtyni për më vonë ndoshta dhe do jeni shumë të lodhur në fund të ditës, atëherë më mirë “ta hiqni qafe” që në mëngjes.
Ndiheni të shplodhur. Gjatë gjumit muskujt rimarrin veten dhe për këtë arsye kur zgjohemi në mëngjes jemi të fortë dhe më energjik. Megjithatë, kjo varet dhe nga cilësia e gjumit që bëjmë.
Mund t’ju bëjë të ndiheni të lodhur më vonë. Ka disa persona që kanë vështirësi me gjumin në mbrëmje dhe nëse bien vonë, ose kanë angazhime të tjera, gjëja e fundit që ju duhet janë pikërisht ushtrimet në mëngjes. Në këtë rast duhet shmangur sporti në orët e para sepse mund të ndiheni të lodhur nga dreka dhe do jetë torturë të arrish deri në fund të ditës.
Sporti në mbrëmje:
Tret ushqimin e gjithë ditës. Sporti në mbrëmje është edhe një mundësi e mirë për të “fshirë mëkatet e ditës”.
Ju largon stresin. Nuk ka më mirë se një ecje apo vrap në mbrëmje: do t’ju ndihmojë të çlironi energjitë negative, ju largon stresin dhe ju bën të flini si qingj. /tesheshi.com/
