Në gjashtë mujorin e vdekjes së Astrit Deharit, aktivistët e Lëvizjes Vetëvendosje, sot kanë zhvilluar një aksion në oborrin e Ministrisë së Drejtësisë, ku kanë kërkuar drejtësi.
Por, ky aksion i tyre ka eskaluar në momentin që kanë filluar të vendosin grafite në objektin e qeverisë dhe në vetura zyrtare, pasi policia është munduar t’i pengojë me ç’rast edhe janë përleshur fizikisht.
“Sot janë bërë 182 ditë që kur aktivisti Astrit Dehari vdiq në rrethana të pasqaruara në Burgun e Prizrenit. Tash e 6 muaj askush nuk ka dhënë përgjegjësi për këtë krim, vdekjen e tij në duart e shtetit” thuhet në postimin e VV-së në Facebook.
Kujtojmë se Astrit Dehari ndërroi jetë derisa po qëndronte në burgun e Prizrenit si i dyshuar për sulmin ndaj Kuvendit të Kosovës. /tesheshi.com/
