Lëvizja Vetëvendosje përmes një njoftimi në FB, ka bërë të ditur se kryeministri Isa Mustafa, është qëlluar me vezë nga aktivistët LVV-së në Podujevë.
Po ashtu në njoftimin e VV-së thuhet se policia ka arrestuar dhunshëm dy aktivistë të Lëvizjes.
“Isa Mustafa po e mbron me çdo kusht “Zajednicën” e tij. Edhe kur zyrtarët e Serbisë, me të cilët ai ka bërë marrëveshje, e quajnë vendin tonë ISIS dhe e pengojnë në çdo nismë ndërkombëtare. Isa Mustafa vazhdon të jetë i përbetuar ndaj “Zajednicës”,”thuhet në njoftim e VV-së.
LVV thekson se nuk do të lejojmë funksionimin normal të qeverisë së tij, pa u tërhequr marrëveshjet me Serbinë.
Kryeministri Mustafa ka marrë pjesë në ditën e mjedrës të organizuar nga Komuna e Podujevës, e që është komuna e vetme që kultivon mjedrën dhe janë të punësuar diku rreth 1000 veta./tesheshi.com/
