Presidenti rus po shtetëzon gjithçka, veçanërisht pas fillimit të luftës me Ukrainën dhe ikjes së kompanive të mëdha shumëkombëshe nga Rusia.
Së fundi ka bërë një tjetër lëvizje ekonomike brenda, duke dashur të ketë gjithçka nën kontrollin e Kremlinit.
Qeveria ruse ka njoftuar se Rolf Group po kalon “përkohësisht” në kontroll publik për arsye financiare. Rolf është tregtari më i madh i makinave në vend dhe një grup që kontrollon gjithashtu kompani si Danone dhe Carlsberg.
Kjo nuk është hera e parë që presidenti Putin ka “vën dorë” mbi kompanitë e mëdha që operojnë në vendin e tij, por kjo është hera e parë që ai rimerr kontrollin e një kompanie që kontrollohej nga një biznesmen i njohur rus. Rolf u themelua nga Sergey Petrov me qendër në Qipro dhe është tregtari më i vjetër dhe më i rëndësishëm i makinave në vend që nga rënia e Bashkimit Sovjetik.
Kremlin theksoi se kjo është një situatë e përkohshme dhe po bëhet për arsye ekonomike për shkak të situatës ekonomike globale. Nga ana tjetër, Sergej Petrov, i cili jeton përherë në Austri, tha se e përkohshme do të thotë e përhershme në Rusi dhe shtoi se kjo është një goditje tjetër ndaj vullnetit për të investuar në Rusi.
Megjithatë, grindja e Petrov me Putinin dhe qeverinë ruse nuk është e re. Në vitin 2014, biznesmeni rus kishte nënshkruar një memorandum duke akuzuar Putinin për veprimet e tij në rajonin e Krimesë, ndërsa në vitin 2019 qeveria ruse akuzoi Petrov për lëvizje të shumave të mëdha jashtë vendit dhe për rritjen e qëllimshme të çmimeve të makinave. /tesheshi.com/
