Në kushte të caktuara mendoj se Izraeli ka të drejtën të mbajë një pjesë, por ndoshta jo të gjithë Bregun Perëndimor, tha David Friedman.
Pas shpalljes së Jerusalemit kryeqytet të Izraelit, njohjes së Lartësive Golan po si të Izraelit, radhën e ka Bregu Perëndimor për t’ju sanksionuar një pjesë shtetit hebre.
Kjo është bërë e ditur nga ambasadori amerikan në Izrael, David Friedman. Ai tha se Izraeli ka të drejtë të aneksojë të paktën një pjesë të Bregut Perëndimor të pushtuar.
Në një intervistë në New York Times, Friedman tha se një shkallë e caktuar e aneksimit të Bregut Perëndimor mund të jetë legjitim.
“Në kushte të caktuara, mendoj se Izraeli ka të drejtën të mbajë një pjesë, por ndoshta jo të gjithë Bregun Perëndimor”, tha Friedman.
Gjatë fushatës para zgjedhjeve në prill, kryeministri i Izraelit, Benjamin Netanyahu njoftoi aneksimin e vendbanimeve hebreje në Bregun Perëndimor, i cili ka kohë që është mbështetur nga pothuajse të gjithë anëtarët e koalicionit të tij, të partive fetare dhe të atyre të krahut të djathtë.
Në shkurt, Netanyahu u tha anëtarëve të parlamentit të Izraelit se ai diskutoi me Uashingtonin për planin e aneksimit, gjë të cilën Shtëpia e Bardhë po e mbështet pa problem. /tesheshi.com/
