Zbardhet në gjykatë i gjithë plani i detajuar i grushtit të shtetit të 15 korrikut në Turqi.
Aktakuza e Prokurorisë së Shtetit në Ankara zbulon detajet e përgatitjes së një grushtit të shtetit të 15 korrikut të vitit të kaluar, në të cilën ndër të tjera thuhet se komplotistët përdorën avionët luftarak F-16 për të regjistruar hotelin ku po pushonte presidenti Rexhep Tajjip Erdogan.
Aktakuza ngarkon organizatën FETO si hartuese dhe zbatuese të planit dhe për këtë citon një nga të pandehurit.
Sipas aktakuzës ku u bënë prezente të gjitha provat përpara gjykatës, baza ushtarake ajrore “Akinci” pranë Ankarasë, ka qenë në qendër të planifikimit dhe menaxhimit të tentativës së grushtit të shtetit.
Këtë e bëri të ditur televizioni serb N1, duke iu referuar agjencisë turke Anadollu.
Në aktauzë thuhet se dy aeroplanë F-16, dy ditë para grushtit të shtetit fluturuan mbi hotelin në Marmaris ku ndodhej Erdogan.
Sipas aktakuzës, në avion ndodheshin ushtarakët e FETO-s që bënë një rikonjicion në hotel dhe zonën përreth duke planifikuar më pas vrasjen e Presidentit më 15 korrik.
I gjithë plani është hartuar në në bazën “Akinci”, e cila ishte selia e ku u vendosën puçistët gjatë planifikimit të grushtit të shtetit. Madje u bë gati edhe një plan rezervë që kishte si synim goditjen e avionit presidencial nëse ai do të shpëtonte.
Sipas urdhërit, avioni u nis nga baza “Akinci” në urdhërat e Ahmed Oshçetin, komandant i një prej sektorëve në bazë.
Komandanti i bazës në kohën e tentativës së puçit ishte gjenerali Hakan Evrim, mbi të cilat rëndojnë akuza. Piloti i avionit ishte Kapiteni Ahmet Tosun, i cili ka kryer disa fluturime testimi.
Një nga detajet interesante të aktakuzës ishte edhe hartimi i planit të shtetrrethimit.
Nën pretekstin e temperaturave jashtëzakonisht të larta, oficerët e FETO-s boshatisën bazën që në orën 14.00. Shumica e stafit, përveç komandantëve të FETO-s dërgohen në shtëpi dhe pastaj komunikimet e brendshme kthyen në bazë ata që morën pjesë në përpjekjen për grusht shteti.
Takimi final i grushtit të shtetit ka filluar që në orën 3 të pasdites. Pas kësaj kohe, baza nuk mund të aksesohej nga ata që nuk e dinin fjalëkalimin e komplotistëve. /tesheshi.com/
