Presidenti serb Aleksandar Vuçiç dha dorëheqjen si lider i Partisë Progresive të Serbisë (SNS) në pushtet gjatë një konference të partisë, duke thënë se nevojitet një qasje e re për të ribashkuar vendin, por theksoi se ai do të mbetet në krye të shtetit.
Pas propozimit të tij, Asambleja e Përgjithshme zgjodhi si president të ri ministrin aktual të Mbrojtjes Millosh Vuçeviç.
Ky zhvillim ka nisur pas tubimeve të djeshme me pjesëmarrjen e njerëzve nga i gjithë vendi në qendër të Beogradit në mbështetje të Vuçiçit.
Ato pasuan protesta të mëdha antiqeveritare mbi sulmet masive me armë që vranë 18 persona në fillim të muajit.
Dorëheqja e Vuçiçit u paralajmërua nga ai kohë më parë, si dhe fakti se më 28 maj do të procedojë me themelimin e një lëvizjeje sindikale në të cilën do të marrin pjesë parti dhe organizata të nuancave të ndryshme ideologjike, me të vetmin element koheziv patriotizmin.
Aleksandar Vuçiç është një anëtar themelues i Partisë Progresive Serbe dhe mori drejtimin në vitin 2011 duke pasuar Tomislav Nikoliç.
Në vitin 2017 ai u zgjodh president i Republikës së Serbisë dhe ndonëse Kushtetuta e ndalon ushtrimin paralel të detyrave të tjera, ai ka qëndruar në kryesinë e partisë deri më sot. /tesheshi.com/
