Mbi 200 të dyshuar u arrestuan në aksion gjatë javës ndërkombëtare kundër trafikimit të qenieve njerëzore, në Evropë dhe më gjerë.
Europol, organizata evropiane e policisë, tha të hënën se pothuajse 1,400 viktima, përfshirë 153 fëmijë, ishin identifikuar si viktima trafikimi.
Operacioni kishte për qëllim grupet e organizuara që detyronin njerëzit në akte seksuale, krime dhe lypje. Janë nisur gjithsej 276 hetime të reja, raportojnë mediat europiane.
Shembujt e cituar nga Europol përfshijnë një rast në Hungari, ku një çift i detyroi gjashtë fëmijët e tyre të bënin seks me fqinjët për para dhe të lypnin në fshatin e tyre.
Një i dyshuar u arrestua gjithashtu në Rumani për detyrimin e fëmijëve për të lypur dhe prostitucion.
Një kinez është arrestuar gjithashtu në Laos pasi detyroi vietnamezë të rrëmbyer të kryenin krimin e mashtrimit dixhital. Ai gjithashtu dyshohet se ka shantazhuar familjet e tyre për të paguar shuma të mëdha parash për t’i liruar.
39 vende, kryesisht evropiane, morën pjesë në aksionin policor në fillim të qershorit. /tesheshi.com/
