Veç një vështirësie në qarkullim, një aksioni i radhës i shtetit te “Astiri” ka vijuar normalisht, pa hasur në asnjë lloj rezistence, sociale apo politike.
Inspektoriati i Kontrollit të Mjedisit dhe Territorit, infirmoi duke thënë se “ne nje aksion qe nisi sot prej ores 6 te mengjesit, IKMT ka prishur 5 objekte ne zonen e Astirit ne gjurmen e Unazes se Madhe. Objektet ishin te madhesise nje kateshe (1), dy kateshe (3) dhe kater katesh (1).
Nderkohe nje objekt 6 katesh do te prishet neser me shperthim te kontrolluar. Se bashku me 35 objektet e prishura ne aksionet e meparshme, shkon ne 41 numri i tyre, persa i takon Lotit I”.
Kujtojmë se ky zhvillim vjen pas një proteste më shumë se njëvjevçare nga banorë të atyshëm, të cilët rregullisht bllokonin rrugën dhe përbetoheshin deri se do mund ta rrëzonin qeverinë. Ata patën krah opozitën në aksionin e tyre, por që gjithçka u mbyll dy muaj më parë me shembjen e 33 objekteve. /tesheshi.com/
