Një aksion i madh policor ka fillur para agimit të diellit që në orët e hershme dhe është duke u zhvilluar edhe në këto çaste në Çair të Shkupit . Ende nuk ka informata se çfarë synon MPB me këtë aksion dhe kush saktësisht është duke u bastisur prej anës së tyre. Mirëpo në bazë të të dhënave që ka siguruar portali tesheshi, mësohet se në mesin e të arrestuarve ndodhet njëri nga anëtarët e këshillit të xhamisë “Jahja Pashë”.
Disa qytetarë duke dashur që ta vizitojnë Xhaminë e lagjës për kohën e namazit të Sabahut si zakonisht, nuk janë lejuar të dalin prej shtëpive të tyre.
Pjestarët e policisë nuk kanë dhënë informata, përveçse kanë urdhëruar qytetarët e lagjes Çair që të qëndrojnë brenda në shtëpitë e tyre.
Poashtu raportohet edhe për bastisje në lagje tjera në Shkup.
Në mënyrë që të mësojmë diçka më tepër portali tesheshi ka kontaktuar zëdhënësen e MPB-së në Shkup, Liza Bendevska, mirëpo ajo nuk i’u është përgjigjur telefonatës. M.Krasniqi
