Në disa zona të territorit shqiptar po zhvillohet që dje një operacion gjigand anti-drogë, ku rekordin deri më tani është arritur më kapjen e 15 tonëve kanabis në Llakatund të Vlorës, gjendur në një depo.
Këto të fundit, përfshirë shumë të braktisura dhe në zona të thella, janë bërë së fundi “strehimore” droge duke u shfrytëzuar nga trafikantët.
Operacioni udhëhiqet nga vetë kreu i Policisë së Shtetit, Hako Çako, që për ironi është pagëzuar nga Ilir Meta si Haki Droga, kjo gjatë fushatës elektorale, me pretendimin se PS po tenton të fitojë zgjedhjet me drogë.
Qeveria shqiptare ka shpallur prej muajsh një plan strategjik për zhdukjen e kultivimit të kanabisit në të gjithë territorin e vendit, me premtimin kryeministrit Rama se fundi i 2017-ës do e gjejë Shqipërinë e pastër.
E ndërsa nga terreni ka lajme se janë pakësuar parcelat e mbjella, janë depot ato që mbajnë të strehuara gati për treg sasi prej tonelatash kanabisi. /tesheshi.com/
