Një aksident tragjik me gati shuarjen e një familjeje ndodhu në Zhur të Prizrenit, aq sa autoritetet lokale vendosën shpalljen “ditë zie” të kësaj të diele, e presidenti Thaçoi përcolli ngushëllime në rrjete.
Viktima mbetën Ramiz Sope 50 vjeç dhe djemtë e tij Behar Sope 24 vjeç e Lumbardh Sope 22 vjeç. Ata po udhëtonin me një mjet tip Golf kur u përplasën me një pastruese bore që po vepronte në rrugë.
“Humbja e jetës së tre anëtarëve të familjes Sope në aksidentin tragjik është pikëlluese për gjithë qytetarët e Kosovës. Familjes Sope i shprehim ngushëllimet më të thella dhe bashkohemi me dhembjen e saj të madhe”, shkroi presidenti Thaçi. /tesheshi.com/
