Tirana u trondit sot nga një aksident i pazakontë, ku një nënë u shtyp nga një automjet një përpjekje për të shpëtuar fëmijët e saj. Viktima është Dhurata Prifti, 37- vjeçe, një ish-sportiste, ish-qitëse e klubit “Studenti” e me pas “Tirana”.
Ngjarja morri përmasa më dhimbshme kur drejtuesi u largua nga vendngjarja me shpejtësi, pasi e la të shtrirë nënën e fëmijëve. e cila me pas ndërroi jetë në spital. Ai u arrestua pak orë më vonë.
Bëhet fjalë për Andrea Memollarin, 20 vjeç, i cili pak kohë më parë ishte dënuar nga gjykata për tentativë korruptimi ndaj uniformave blu të Rrugores, të cilat e kishin ndaluar për tejkalim shpejtësie. Ndërkohë, ka dalë dhe fakti tjetër që 20-vjeçari nga Çorovoda e me banim në Lushnje, konsumonte drogë.
Dhe ky është rasti i dytë në pak kohë që një i droguar shkakton aksident me vdekje rrugëve të Tiranës.
Javë më parë, një i tillë kërceu me makinë në trotuar, duke i marrë jetën një vajze 3-vjeçare dhe plagosur rëndë, deri në prerje këmbësh, babain e saj. Edhe ai rezultonte i dënuar më parë, por si përdorues droge.
Tashmë droga nuk po vret vetëm ata që e konsumojnë apo e trafikojnë atë, por dhe të pafajshmit që gjenden rastësisht afër tyre. /tesheshi.com/
