Një e mitur e moshës 8-vjeçare humbi jetën në një aksident të rëndë në aksin problematik Elbasan-Peqin, aty lipset te ecet me shumë kujdes, pasi ngjan si një segment i “mallkuar” prej aksidenteve të shumta në kohë të ndryshme, shpershherë me viktima.
Ngjarja fatale ka ndodhur rreth orës 14:50, kur një automjet Golf me targa të Gostivarit, i cili drejtohej nga një grua ka humbur drejtimin dhe është përplasur kokë më kokë me një makinë tjetër.
Mësohet se gruaja udhëtonte me dy vajzat e saj dhe viktimë ka mbetur njëra prej tyre, vetëm 8 vjeçe.
Të plagosura kanë mbetur drejtuesja e automjetit, vajza tjetër e saj dhe 4 persona që ndodheshin në automjetin tjetër që u përfshi në aksident.
Përplasja ndërmjet dy makinave ka qenë aq e fortë sa që makina me targa të Gostivarit, ku ndodhesh gruaja dhe dy vajzat, ka përfunduar mbi barrierën e rrugës.
Paraprakisht dyshohet se shkak i aksidentit mund te jetë bërë lagështia në rrugë.
Dhe pikërisht nga kjo arsye, lagështira, po aty, në atë lloj kthese kanë ndodhur dhe aksidente të tjera. /tesheshi.com/
