Një 12-vjeçare ka humbur jetën ditën e djeshme, pas një aksidenti të ndodhur në aksin rrugor Elbasan – Librazhd, në fshatin Xibrakë.
Policia bën me dije se Bahri Begu, 50 vjeç banues në Tiranë, duke drejtuar mjetin tip “Benz” ka humbur kontrollin dhe është përplasur me mjetin tip “Toyota” që drejtohej nga D.D., 37 vjeç banues në Durrës dhe më pas është përplasur me mjetin tip “BMË” drejtuar nga L.T., 32 vjeç banues në Korçë.
Si pasojë, janë aksidentuar pasagjerët: K.D., 12 vjeçe banuese në Durrës (vajza e drejtuesit të mjetit Toyota), e cila ndërroi jetë në Spitalin e Traumës në Tiranë.
Ndërkohë të plagosur janë J.D., 5 vjeç banues në Durrës ( djali i drejtuesit të mjetit tip Toyota), S.D., 35 vjeçe banuese në Durrës, pasagjere në mjetin tip Toyota dhe S.B., 23 vjeçe banuese në Tiranë e cila ishte pasagjere në mjetin tip Benz.
Të tre të aksidentuarit ndodhen në Spitalin Kirurgjik Elbasan jashtë rrezikut për jetën.
Policia bën me dije se ka vënë në pranga 50-vjeçarin, pasi dyshohet se është shkaktar i aksidentit. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor”. /tesheshi.com/
