Një tjetër aksident ka ndodhur në mëngjesin e sotëm në Tiranë, ku autobuzi i një linje ka përplasur një vajzë të re. Aksidenti ka ndodhur në zonën e njohur si “21 Dhjetori”, ndërsa policia ka shoqëruar drejtuesin e automjetit publik.
E reja, identiteti i së cilës nuk është bërë ende i ditur, është përplasur rëndë në asfalt, ku dalloheshin dhe njolla gjaku, raporton tv Klan.
Aksidenti ndodhi rreth orës 07:30 të mëngjesit të së premtes.
Në vendngjarje kanë mbërritur menjëherë forcat e policisë dhe ambulanca, e cila i dha ndihmën e parë të aksidentuarës dhe e dërgoi për trajtim të specializuar në spital. /tesheshi.com/
