Një i vdekur dhe 4 të plagosur është bilanci i aksidentit të ndodhur mëngjesin e sotëm në Thumanë të Krujës, ku dy automjete janë përplasur me njëri-tjetrin.
Policia e Lezhës bëri të ditur se aksidenti ka ndodhur rreth orës 05:30, ku një mjet furgon mallrash, me drejtues shtetasin Z. T. 38 vjeç është përplasur me mjetin tip BMV me drejtues shtetasin V.M. 41 vjeç, banues në Maqedoni.
Si pasojë e aksidentit, ka humbur jetën në Spitalin Ushtarak në Tiranë drejtuesi i mjetit furgon, Z.T, ndërsa janë aksidentuar edhe shtetasit E.D. 34 vjeç, banues në Kukës, pasagjer në mjetin tip furgon, V. M. 12 vjeç, B. M. 9 vjeç (fëmijët e drejtuesit të mjetit tip BMV) dhe F. M. 63 vjeçe, (e ëma e drejtuesit të mjetit tip BMV) banues në Maqedoni, pasagjerë në mjetin tip BMV.
Sipas policisë, të plagosurit ndodhen në Spitalin Ushtarak Tiranë jashtë rrezikut për jetën. Grupi hetimor po punon për zbardhjen e shkaqeve të aksidentit. /tesheshi.com/
