Nga Blendi Gashi
18 nxënës të shkollës së mesme janë lënduar mëngjesin e së hënën në një aksident komunikacioni që ka ndodhur në fshatin Dritan, ish Dobroshec të Komunës së Drenasit. 
Fatmirësisht të gjithë nxënësit janë jashtë rrezikut për jetën. Ata menjëherë pas aksidentit janë dërguar për të marrë ndihmën mjekësore së pari në Drenas dhe më pas janë bartur në Qendrën Klinike Universitare të Kosovës.
Aksidenti ka ndodhur derisa minibusi (po i transportonte nxënësit nga fshati Dritan për në shkollën e mesme në Drenas) me ç’rast janë goditur nga një kamion.
Xhavit Drenori, asamblist i Komunës së Drenasit, ka qenë në vendngjarje në momentin që ndodhi ky askident i rëndë komunikacioni.
Drenori në një bisedë për portalin “Te Sheshi”, ka treguar në hollësi ngjarjen se si ka ardhur deri te aksidenti, shqetësimet e nxënësve, ndihma që u është dhënë atyre si dhe çfarë i ka thënë shoferi i minibusit i cili po transportonte nxënësit për aksidentin.
Rrëfimi i asamblistit Xhavit Drenori për aksidentin në Drenas dhënë për portalin “Te Sheshi”:
Ishte ora 07.45 kur u informova se ka ndodhur aksidenti dhe shumë nxënës të fshatit tim të lindjes, Dritan (ish Dobroshec) kanë kërkuar ndihmë mjeksore në Qendrën e Mjeksisë Familjre në Drenas. Shkova edhe unë direkt atje dhe gjatë gjithë kohës, deri u transportuan të lenduarit në Qendrën Klinike Universitare të Kosovës.
Ishte një gjendje paniku, nxënës duke qarë, disa duke i hospitalizuar dhe vendosur nëpër autoambulanca, varësisht nga lëndimet , kishte edhe dy – tre persona me një autoambulnacë. Ishin plot 5 autoambulanaca që u ngarkuan dhe dërguan të lënduarit në QKUK. Pashë edhe familjarë që vinin të shqetësuar për të parë gjendjen e e fëmijëve të tyre (pasi kombibusi bartë nxënës nga fshati Dritan për në shkollën e emsme në Drenas). Ishte një gjendje e rëndë, mjekët duke vrapuar me të gjithë stafin. Disa mjek dhe motra medicionale edhe pa uniforma mjeksore, pasi vetëm sa kishin ardhur në vend të punës (në ndrrim). Kishte edhe qytetarë që ndihmuan, e bashkë më ta u mundova edhe unë, të paktën në aspektin psikologjik, meqë kur prindërit dhe familjarë tjerë vinin aty dhe të afërmit e tyre tashmë kishin shkuar në QKUK, ishin shumë të shqetësuar. Në Qendrën e Mjekësisë Familjare erdhi edhe drejtori i Drejtorisë së Shëndetësisë në Drenas për t’i mbështetur mjekët. Kështu që më atë që pash, u menaxhua megjithatë mirë situata. 
Aty në këmbë që shkonte herë të njëri i lënduar e herë te tjetri ishte edhe shoferi i kombibusit, i cili sado që me trauma, mundohej të ju rrinte pranë të lënuarve.
Unë pasi i kërkova që të pushonte pak, ai ma ktheu që nuk mund të ulet sepse i ka lënduar unazat e kurrizit dhe nuk po mundet të qetësohej. Ai më tregoj pak rreth ngjarjes. Tha që ishte duke udhëtuar rrugës kryesore, rreth 1 km hyrë në Drenas, kur një kamion i kishte dalur në rrugë dhe ishin ndeshur.
Unë bisedova edhe me një person të lagjes sime vajza e të cilit ka qenë në minibusin e aksidentuar, ai më tha që vajza e tij është liruar nga spitali, dhe vetëm një nga 17 nxënësit sa kanë qenë në QKUK është i lënduar më shumë, ka të lënduar këmbën, dhe do të qëndroj disa ditë i shtrirë në spital për të marrë mjekimin e duhur, por fatmirësisht është jashtë rrezikut për jetë”.
/tesheshi.com/
