Publikohen fotot e automjetit të deputetit të PDIU-së, Aqif Rakipi, i cili u përfshi në një aksident mëngjesin e sotëm, ku humbi jetën edhe një qytetar.
Aksidenti ndodhi në afërsi të kthesës së Kamzës, në aksin Vorë-Tiranë, ndërsa viktima ishte kalimtar. Pas aksidentit, deputeti është vetëdorëzuar në komisariatin nr 2 të në Tiranë, ndërsa kanë nisur hetimet për zbardhjen e shkaqeve të ngjarjes.
Nga fotot duket se përplasja ka qenë e fortë, pasi xhami i parë i automjetit është thyer dhe po kështu pjesa e përparme e tij është dëmtuar.
“Menjëherë është nisur patrulla e policisë për të verifikuar informacionin, e cila pak minuta më vonë ka konstatuar një person në rrugë pa shenja jete, dhe në këto momente, afërsisht në orën 04:51 minuta, Komisariati i Policise nr.2 ka njoftuar që në këtë Komisariat është paraqitur shtetasi A. R., me automjetin e tij, tip Mercedes (i dëmtuar në pjesën e përparme të tij) i cili deklaroi se ka përplasur një person në autostradë dhe po dorozohej në Komisariat”, thuhet në njoftimin zyrtar të policisë. /tesheshi.com/
