Pak ditë, pasi në Gjermani humbën jetën të përplasur nga treni dy fëmijë kosovarë, vëllezër me njëri-tjetrin, ka pasuar një tjetër tragjedi e ngjashme, po në Zvicër, afër kufirit me Gjermaninë.
Familja Krasniqi nga Ferizaj, bashkëshortët dhe dy fëmijë, u përgjysmua pas një aksidenti fatal.
Ata po ktheheshin në shtëpinë e tyre në Zvicër, ku jetonin si kurbetqarë, pasi kishin ndenjur disa ditë në fshatin e tyre, në Rahovicë afër Ferizajt, ku dhe po ndërtonin një shtëpi të re.
Gjithçka po ecte normal kur Audi i tyre u përplas ballë për ballë me një kamion në rrugën gjermane B31 në Meersburg në Liqenin e Konstancës, pak para kufirit me Zvicrën. Ata jetonin në Schaffhausen, Zvicër, afro 50 km nga vendi i aksidentit.
Për pasojë, kryefamiljari Zaim Krasniqi, 35 vjeç dhe i biri 12-vjeçar Florini, ndërruar jetë në vend. Pas tyre, u shua, në kushte spitalore, i nipi i Zaimit, Bleonin 18 vjeç. Ndërsa bashkëshortja dhe vajza 11-vjeçare Fiona, mundën të mbijëtojnë dhe janë në sptal nën trajtim intensiv.
Zjarrfikësve iu desh t’i lirojnë ata nga rrënojat duke përdorur pajisje hidraulike për prerjen e fletëve metalike.
Interesant është fakti se në timon ka qenë gruaja e Zaimit e jo ky i fundit, pasi një vit më parë ishte aksidentuar me motor në Francë, e për pasojë, njërin krah s’e lëvizte dot. /tesheshi.com/
