Numri i madh i aksidenteve në trafik që po ndodhin në Kosovë ka shtyrë kreun e Prishtinës, Shpend Ahmeti të ndërmarrë masa të paktën për komunën ku qeverisë. Ai bën të ditur se në vë vjeshtë, Komuna e Prishtinës do të fillojë me kamerat e trafikut dhe dënimet automatike.
“Siç e shihni as ligji i ri me rritjen e dënimeve nuk e ka efektin e duhur sepse ndryshimi ndodhë te pagesa. Rrallë ka polic që shkruan dënim 900 euro për shpejtësi, thjeshtë është shumë vështirë ta dënosh në Kosovë dikënd me 900 euro. Ne kemi marrë letër edhe nga Avokati I Popullit se dokumentet nuk mund të merren si peng për pagesë të dënimeve, por në qoftë se nuk gjendet mënyrë e pagesës së shpejtë të dënimeve, shpejtësia dhe shkeljet në trafik do të jenë edhe më të shpeshta. Në vjeshtë, Komuna e Prishtinës do të fillojë me kamerat e trafikut dhe dënimet automatike. Dënimet do ti mbledhim me përmbarues dhe jemi përkrahës edhe të politikës që të mos lejohet regjistrimi i veturës me dënime të papaguara nga viti i kaluar. Jeta e njeriut është prioriteti kryesor!”, shkruan Ahmeti në Facebook.
Kujtojmë se vetëm ditën e djeshme në Kosovë humbën jetën tre persona në një aksident trafiku që ndodhi në fshatin Gllarevë të Klinës. /tesheshi.com/
