Një aksident i rëndë me pasojë vdekjen e dy personave ka ndodhur mëngjesin e sotëm në autostradën Fier-Lushnje. Sipas Policisë së Fierit, rreth orës 05:40 të mëngjesit mjeti tip “Renault”, me targë AA 468 PY, ka dalë nga rruga duke goditur trafikndarësen dhe ka rënë në kanal.
Me gjithë vështirësitë e vendit dhe dëmtimit të rëndë të mjetit, shërbimet e policisë, ato të zjarrfikëses dhe urgjenca e spitalit kanë bërë të mundur nxjerrjen nga makina të dy shtetasve të aksidentuar.
Sipas njoftimit të policisë shofer ishte shtetasi F.N., 61 vjeç, banues në Tiranë, i cili u dërgua në Spitalin Rajonal Fier në gjendje të rëndë dhe në orën 07:25 ndërroi jetë.
Ndërsa pasagjer ishte shtetasi P.Z., 54 vjeç, banues në lagjen “Myslym Shyri” të Tiranës, i cili ka ndërruar jetë në vendngjarje. Grupi hetimor po punon për zbardhjen e shkaqeve të kësaj ngjarje./tesheshi.com/
