Pesë persona, kryesisht të rinj në moshë kanë humbur jetën brenda një dite në Kosovë, konkretisht dje më 24 dhjetor.
Në orët e para të mëngjesit të së shtunës në një aksident në Greme të Ferizajt, mbetën të vdekura dy vajza të reja, një 20-vjeçare, ndërsa vajza e tjetër që ishte me të vdiq në mbrëmje pasi nuk iu mbijetoi plagëve.
Ndërkohë, gjatë pasdites në fshatin Komoran të Drenasit në një aksident mbeti e vdekur një femër, kurse 3 të tjera të lënduara.
Një aksident me fatalitet ndodhi në mbrëmje në rrugën Gjakovë-Pejë në fshatin Skivjan. Nga ky aksident humbën jetën nënë e bir, ndërsa dy të tjerë mbetën të lënduar.
Duke parë këtë gjakderdhje në rrugët e Kosovës, policia përmes raportit policor, me qëllim të reduktimit të aksidenteve në trafikun rrugor apelon te të gjithë pjesëmarrësit në trafik, në veçanti drejtuesit e automjeteve, që të jenë të kujdesshëm dhe sa më vigjilentë gjatë drejtimit të automjeteve të tyre. /tesheshi.com/
