Një aksident i rëndë ka ndodhur në jug të Shqipërisë ku kanë vdekur nën e bir dhe 8 persona të tjerë kanë mbetur të plagosur.
Ngjarja është shënuar në aksin Gjirokastër-Kakavije, në afërsi të fshatit Mashkullorë, rreth orës 14:00.
Dy makina janë përplasur duke shkaktuar vdekjen e dy personave ndërsa janë plagosur 8 të tjerë.
Viktimat e aksidentit tragjik janë një grua dhe një fëmijë, identiteti i të cilëve ende nuk bëhet i dihur, ndërkohë konfirmohet se të plagosurit janë në gjendje të rëndë.
Ende nuk dihet dinamika e aksidentit që ndodhi në fshatin Mashkullorë, por dyshohet se mjetet e përfshira në aksident kanë qenë duke lëvizur me shpejtësi.
Në njërin prej mjeteve me targa zvicerane, udhëtonin shtetas të Kosovës, që ndodheshin për pushime në jug të vendit.
/tesheshi.com/
