Një aksident rrugor ka ndodhur pak pas mesnate në qytetin e Durrësit, ku një automjet ka përplasur dy persona, dhe si pasojë njëri prej tyre ka gjetur vdekjen. Ngjarja ka ndodhur, rreth orës 02:10 në rrugën “Aleksandër Goga”.
Teksa drejtonte mjetin e tij tip “Benz” me targa AA 224 BD, 25-vjeçari Klejvi Maliqi ka përplasur dy këmbësorë, një burrë dhe një grua.
Gruaja 53-vjeçare me inicialet D.D ka humbur jetën si pasojë e goditjeve, ndërsa shtetasi A.B. 49 vjeç, banues në Durrës, ndodhet në gjendje të rëndë shëndetësore në Spitalin Ushtarak Tiranë.
Pas bërjes së testit të alkoolit drejtuesit të mjetit ka rezultuar se ka konsumuar alkool. /tesheshi.com/
