Një aksident i rëndë me 5 të vdekur ndodhi pasditen e sotme në aksin Suharekë – Duhël në Kosovë, ku pothuajse u shua një familje e tërë, e ku ndër viktima janë dhe tre fëmijë.
“Rreth orës 13:21 minuta në magjistralen Suhareke – Duhël ka ndodhur një aksident i tmerrshëm komunikacioni me ç’rast kane humbur jetën pesë persona: dy të rritur dhe tre fëmijë”, njoftoi zëdhënësi i Policisë së Prizrenit, Hazir Berisha
Ka reaguar gjithashtu dhe ministri i Jashtëm Behgjet Pacolli, duke kumtuar me dhimbje se “sot, një familje e tërë u shua në një aksident të tmerrshëm në fshatin Biraq. Një familje me banim në Zvicër e cila ka ardhur për të kaluar pushimet e tyre në vendlindje. Shumë tragjike, shumë e rëndë! Ju bëj apel: Kini kujdes, respektoni rregullat, respektoni jetën tuaj dhe të tjerëve”. Ende nuk janë dhënë detaje më të shumta mbi aksidentin dhe viktimat.
Këta të fundit kanë qenë në një automjet që është përplasur me një autobus, me gjasë nga asfalti i lagur. /tesheshi.com/
